娛圈掀起葉問潮，梁朝偉、甄子丹、杜宇航、鄭嘉穎和黃秋生，甚至葉問長子葉準也曾扮過父親，問葉準覺得誰能把葉問演得最神似，他表示各有千秋。
葉準（圖）昨日在電話訪問中說：「我覺得各有特色，我反而唔夠人哋專業。」葉準指日前看了偉仔的《一代宗師》，他坦言：「我有啲擔心偉仔嘅功夫，但出嚟比我想像中好，佢練功好勤力，練到打斷手，真係一分耕耘，一分收穫，佢嘅努力冇白費。」葉準同樣大讚子丹勤力，他說：「佢有武功底，拍起嚟從容啲。秋生部戲未睇，但佢拍時我有畀啲葉問性格資料佢，鄭嘉穎部劇開鏡嗰日，我有去現場，見佢擺詠春甫士有啲尷尬。」至於資歷最淺的杜宇航，葉準說：「佢演技幼嫩啲，都盡咗力。」
From:
http://hk.apple.nextmedia ... 130123/18143262
