千億新抱徐子淇昨日帶病到馬鞍山為紅封包比賽擔任評判，胡應湘夫人及歌手王梓軒亦出席。育有三子女的子淇現場甚受小朋友歡迎，大合照時王梓軒站在中間，反而子淇站在旁邊，大會司儀遂主動叫王梓軒讓中間位置給子淇企。
一次食三條海参
子淇一見到記者即自爆說：「噚晚消夜食焗豬扒飯出事，搞到腸胃炎，今日睇完醫生打針至過嚟，每晚同老公都會食豬扒飯或通粉先瞓，個女有時都會食，我個女好識補，鍾意飲湯、食鵝掌同海参，試過一次過食三條海参，不過就冇畀仔女食燕窩，怕有太多激素。」可會擔心女兒太補？子淇說：「我唔想個女咁細個有肥嘅感覺，我自己都鍾意食零食，會收埋喺個櫃度，個大女自己拎嚟食，一包薯片可以接受，細佬見到都會跟，有時都會用薯片引誘佢哋做功課。」子淇說大女已５歲，她說：「大女開始生恒齒，自己都有啲擔心佢太早熟，我以前７歲先至生，佢５歲已經着７歲嘅衫。」
【今日我至病】估唔到身型弗爆嘅徐子淇每晚臨瞓前都會嘆消夜，佢自爆前晚消夜食咗焗豬扒飯而腸胃炎，噚日要化濃妝先至遮住病容。
合照時司儀主動叫王梓軒（右二）讓中間位給徐子淇。
小朋友穿上賀年服表演，充滿新春氣氛。
From:
http://hk.apple.nextmedia.com/entertainment/art/20130113/18132199
