劉嘉玲昨日在圓方出席珠寶品牌Chaumet活動，大讚老公梁朝偉在《一代宗師》的演出，她說：「令我睇到唔同嘅梁朝偉，唔講嘢唔郁好多都好有力量，佢喺畫面就好睇，我有啲偏心。」提到章子怡演出突出過偉仔，嘉玲說：「唔覺，佢都好精采，由頭帶到尾，最令我驚喜係蔡少芬老公張晉，冇諗過佢咁識做戲。章子怡角色好，做到宮二先生唔計後果，我都想係其中角色，可惜冇份。」
宋慧喬只得六分鐘戲，嘉玲說：「唔應該講戲份多少，王家衛個個演員都錫。」偉仔透露沒生育計劃，嘉玲說：「當然有詳細溝通過，𠵱家舒服自在。」會否接受有意外？她笑言：「有意外就有，唔抗拒。」有傳王菲與靖童爭執，她說：「胡說八道，王菲對靖童同嫣兒唔同感覺，因為唔同階段生。童童就算拍拖都正常，𠵱家佢係嫵媚女人，以前男仔頭，我都唔慣。」
From:
http://hk.apple.nextmedia ... 130111/18129925
