最近被網民封為「陰謀情人」嘅鄭子誠，噚日同太太劉倩怡、糖妹喺上環拍攝微電影。今次鄭子誠冇得耍陰謀，故事講佢修補同太太轉淡嘅感情。
由於有新稱號，鄭子誠話最近拍戲，導演會改劇本，佢話：「試過加兩個陰謀shot畀我，加幾個陰謀笑容，明明劇本定咗都改。」
10年前娶咗佢
劉倩怡笑笑口話唔明白點解突然會有咁樣嘅現象，仲話鄭子誠最大嘅陰謀就係喺10年前娶咗自己：「其實佢個人好簡單，有煩惱就會瞓覺，而且佢好浪漫。」
早排鄭子誠仲喺北海道同老婆慶祝生日，仲講笑話份禮物已經包埋聖誕同新年。劉倩怡讚佢話：「佢好重視節日，一定會慶祝，反而有一年記錯佢生日日期，要佢正日等我電話。」另外，糖妹都話有睇鄭子誠嘅劇集，難忘嘅當然係《真情》同《天與地》。
今次鄭子誠搵咗糖妹（右二）同後生一輩合作。
噚日糖妹喺上環拍攝，其間有男士要求同佢合照，糖妹一口答應。
From:
http://hk.apple.nextmedia.com/entertainment/art/20130111/18129775
