【台北】周渝民（仔仔）同徐熙媛（大S）分手之後，佢同新歡喻虹淵嘅緋聞傳足三年，舊年仲俾傳媒影到秘密同居，喺啱啱過去嘅除夕夜，兩人喺仔仔屋企嘅露台，好似連體嬰咁攬埋一嚿睇煙花，仔仔仲情不自禁啜舔女友耳仔，煙韌到痹。
女前男後交纏
嗰晚仔仔請咗大班朋友上屋企，喺露台睇101大樓放煙花迎元旦，喻虹淵好似女主人咁全程黐實仔仔，到咗夜晚11點56分，仔仔主動攬實女友，女前男後肉體交纏，可能有親友在場，喻虹淵都有啲尷尬抗拒，但好快就俾仔仔馴服，小鳥依人咁挨實男友。
當煙花發放時，仔仔好興奮咁指指點點，兩人情到濃時，仔仔仲忍唔住啜吻女友耳仔，喻虹淵冧到露出甜笑，喺親友面前上演一幕真人騷；之前王心凌同姚元浩都係喺除夕夜，匿埋屋企睇煙花，被踢爆舊情復熾，估唔到仔仔跟喻虹淵同樣衰喺煙花手上，無得抵賴！
仔仔從後緊抱喻虹淵，情到濃時仲啜吻女友耳仔，真係冤氣到痹。
喻虹淵上月被影到坐仔仔車幫忙買家品，服侍周到。
From:
http://hk.apple.nextmedia.com/entertainment/art/20130110/18128639
