除夕夜北上倒數搵人仔嘅余文樂，賺錢過後又要返香港為新戲《特種救援英雄》開工。套戲係今年大製作，除咗樂仔，仲有謝霆鋒、任達華同胡軍幾大猛男做救火英雄。
有傳樂仔同霆鋒N年前因合作《龍虎門》有牙齒印，霆鋒更加因為有樂仔寧願推戲唔拍，好在老闆楊受成出手擺平，兩個港產型男先有機會合作。雖然樂仔差啲憑《春嬌與志明》喺內地成為億萬小生，不過佢都好識做人，喺Instagram放咗張同霆鋒合照，主動示好。霆鋒係一線巨星，又係後期製作公司老闆，同佢做朋友一定好過做敵人，樂仔計啱數喎！
話晒係世紀合照，但樂仔同霆鋒都冇乜笑容，似係被迫影多啲喎！
樂仔話自己病足成個星期都未好，要繼續食感冒藥（右圖），連何詩同Baby都留言叫佢保重。
