【今日我至啜】噚日係三嫂戚美珍牛一，愛妻號三哥苗僑偉喺前晚「201314」呢一日，為壽星女搞咗個驚喜生日會，仲好肉緊咁錫錫老婆㖭。
圈中恩愛夫妻苗僑偉（三哥）和戚美珍結婚22年，昨日是三嫂50歲牛一，廿四孝老公前晚為愛妻在跑馬地馬場大搞生日會，並即場吻賀她。不過與三哥老友鬼鬼的曾志偉卻缺席，但眾人仍然玩得十分盡興。
前日是「201314」（愛你一生一世）的大日子，昨日50歲生日的戚美珍前晚得老公苗僑偉為她搞驚喜生日會，除了一對寶貝子女外，更廣邀圈中朋友為愛妻慶祝，到場賓客有謝天華及太太、梁烈唯、陳百祥（阿叻）和黃杏秀、林國斌、胡定欣、洪金寶、腹大便便的周家蔚等，就連甚少夜蒲的盧海鵬都畀面出席，可見三嫂人緣甚廣。
志偉缺席
三哥三嫂一家四口前晚8時便到場，兩夫婦一到現場就咀住合照，大晒幸福。三哥透露志偉有事未能出席，又自爆原本不想讓三嫂知道有派對，但很多朋友都報寸。他說自己花了很多心思，請了一些三嫂很想見的朋友到場參與這個半世紀的生日會，同時亦順便慶祝兩人結婚22周年紀念，三哥直言開頭不知「201314」這特別日子，不少朋友還打趣指他這麼醒目，但事實上他只是誤打誤撞。三嫂笑指被被蒙在鼓裏，並說：「食飯都叫我自己留喺屋企，生日願望係成家人同識嘅人都身體健康同順利。」
阿叻表示三哥仔女都與他上契，他一定到場，提到志偉缺席，他說：「志偉同三哥咁好朋友，應該唔會唔到，佢入差館都係三哥陪佢，仲親過我。唔使撐志偉，佢見義勇為，唔覺得佢有問題，都好多人有講嘢，我講阿倫都有講，娛樂新聞評論吓唔得咩？又要對號入座恰個弱者，恰個冇錢打官司嘅。」
近日是非纏身的梁烈唯前晚送手袋給三嫂。
黃浩前晚與黑人保鑣到中環一間的士高消遣。
黃浩夜蒲
梁烈唯因撐曾志偉而被黃浩出律師信要求道歉，有指阿叻會出錢給他打官司，阿叻表示不用他出手，只是之前發現他愁爆，相信他會沒問題，他自爆有向樂易玲和李寶安傾過，即使他不出面，TVB都會出面，又暗寸說：「冇理由講嘢都唔准，香港人都話特首，唔畀人講，仲大過特首咩?」此外，黃浩前晚由黑人保鑣陪同去到中環一間的士高消遣，逗留個多小時後離去。
From:
http://hk.apple.nextmedia.com/entertainment/art/20130106/18124518
