走開肉女路線的「模媽」陳靜儀（Mia）認真抵得冷，寒冬之下仍冇收起性感，希望憑火辣身材、迷人眼神迎來更多工作，繼續為粉絲送暖。
雖然工作忙碌，但Mia仍會盡量抽空陪一對子女。Mia坦言因為性感而多工作，故沒打算「金盆洗咪」。
就像安徒生《賣火柴的女孩》，o靚模天寒地凍仍要為稻粱謀，足可寫成一部賺人熱淚的《賣身材的女孩》。Mia說：「我唔會減少性感，我從來冇Set性感底線。因為我想做嘅係演員，若果限制自己，唔會做得好。（因為性感多工作？）的確多咗，長遠我想參與多啲歌影視同跳舞工作。我好開心事業發展好咗，但就算再忙，我情願瞓少啲，都要陪我啲小朋友。我最希望買樓，希望畀到好啲嘅讀書環境佢哋。」
想出Keep Fit書
早前Mia到內地工作浸溫泉，浸到胸部甩皮，有苦自知。
Mia憶述早前到內地工作要浸五次溫泉，浸到胸部甩皮，實在教一眾龍友想起英國作家Graham Robb《巴黎人》書中那句「咪咪，你會忘記我倆曾經相遇」的感嘆。Mia直言正籌劃「賣身材」以外的出路，她說：「我想出書分享我唔使捱餓Keep Fit嘅方法，仲有化妝同擺甫士心得，我生完兩個都Keep到咁，夠晒說服力。（唔再出寫真？）睇公司安排啦！性感只係畀人認識我嘅其中一種方法！」
From:
http://orientaldaily.on.c ... /00282_055.html
