大除夕夜，因「開飯事件」插手衰多事，涉嫌掌摑黃浩被警方拘捕的曾志偉，繼續開party，晒冷慶祝！志偉吹雞，必定陪玩的鐵腳苗僑偉、梁烈唯、大肚婆湯盈盈同周家蔚在陣護駕外，連無現身多時的唐文龍、吳婉芳都到場撐住助威。唯獨被傳做二五仔，同志偉反面的梁漢文，繼早前聖誕party無份，除夕夜照樣被志偉一腳伸走！
凌晨三點多，曾國祥叫埋朋友幫手合力抬老豆上車。
證人brother
早前到警署俾口供的沈嘉偉，撇低屋企人單拖出席。
埋堆鞋友
近期埋番無綫堆的馬德鐘，亦跟住一班同事撐志偉party。
大肚媽咪
兩個大肚媽咪嘅另一半開工冇出現，二人亦玩到凌晨3點多才離去。
搭訕出事
被告誹謗後，已經搵律師拆彈的梁烈唯，收工後即拖女友趕到。
包場倒數
二○一二年大除夕，曾志偉並未因涉嫌掌摑黃浩事件影響，一如往年，開P慶祝，圈中老友晒冷撐硬，陪曾志偉倒數迎新年。據知，曾志偉本來透過微博通知老友派對地點，但因懷疑戶口被黑客入侵，搞到臨開party前才公布
地點。
當晚十時許，曾志偉在位於灣仔杜老誌道，佔地兩層的意大利餐廳Billidart Restaurant&Bar包場玩。天氣寒冷，一身便服的他只穿上羽絨背心，上樓後約十分鐘，內地演員胡軍坐着曾志偉的坐駕抵達，主人家更專誠落樓迎接，並將放在車廂後座的一件棗紅色西裝穿上。
其後，各路老友陸續抵達現場，包括陪玩鐵腳苗僑偉夫婦和女兒，洪天明和錢嘉樂因為不在港，由兩位大肚阿嫂，周家蔚和湯盈盈結伴到；商天娥、樂易玲攜眷出席外，久未露面的吳婉芳更全家到齊，還有北上發展多年的唐文龍，則拖着兩位操普通話的女子和一名男性朋友到場。
保釋律師
現轉職大律師的盧敏儀幫志偉保釋後即變成玩腳之一，有份去party。
左右護法
志偉出事前後都傍到實的三哥三嫂，當晚帶埋女兒一齊玩到尾。
高層撐場
樂易玲跟志偉老友鬼鬼，倒數完，即拖埋老公撐志偉。
本來著住羽絨背心的志偉落樓接胡軍，之後在車尾箱攞衫換，著住迎節棗紅色褸玩足成晚，醉住走的他，更因褸太窄，露出大肥肉。
內地友胡軍
預告冇份
被黃浩告誹謗的梁烈唯，亦升呢成為曾志偉老友，獲發入場券。至於有傳做二五仔頂證曾志偉的梁漢文，雖然公開發聲明澄清與對方友情不變，但繼聖誕派對冇影後，除夕派對亦不例外，獨冇！
自己知自己事！梁漢文為免𤓓爆，預先向記者打定底。「梁炳（梁漢文）早排喺新城勁爆頒獎禮已經講，話好多年前開始，除咗朋友生日派對會去之外，其他都唔會再出席，所以志偉開派對，佢冇去都變得好正常。」
陳年friend
上世紀港姐吳婉芳，帶住高過佢的大仔到uncle Tsang的party見識吓。
走後門
謝天華拖老婆Tina撐場，飲到啤啤夫的他為避鏡頭從後門鬆人。
曾跟志偉傳緋聞的呂慧儀，撇甩老公同志偉度除夕，並孖住金剛離開。
轉軚崔建邦
早前不獲陳志雲邀請到生日party的崔建邦，轉軚歸志偉邊，並與女友唐詩詠前後腳到。
長年在內地發展的唐文龍，當晚忽然現身，走時仲挾埋兩個內地女伴上的士。
近年黐住志偉玩的娥姐，例必拖埋老公現身他的俾面派對，隨後的美女是三哥女兒苖彤。志偉波友范振鋒拖實老婆李思欣到party，清醒來清醒走。
去年4月最後出現志偉生日party。
爛醉離場
志偉搞除夕派對的意大利餐廳，位於灣仔，室內設有飛鏢、桌球等玩意，但只屬中價消費。
據當晚有份出席派對的賓客透露，曾志偉完全未受「掌摑事件」而影響心情，在場內滿場飛，又搵金至尊贊助設抽獎遊戲，玩得極之開心；捲入誹謗官司的梁烈唯，亦因為升格做到曾志偉老友，心情異常亢奮！
派對玩到凌晨兩點，賓客陸續離開。玩得好盡興的主人家曾志偉，堅持貫徹「打直入打橫出」爛醉風格，凌晨三時，由兒子曾國祥及多名友人抬住離開。
場內氣氛
志偉鐵腳中的「四朵金花」，攞住「2013」氣球倒數。老公不在港，大肚婆周家蔚有郭少芸同唐詩詠成晚傍住。
