藝員黃翠如早前為無綫劇集，到廣東英德拍外景，首次拍劇的她，除了有陳展鵬和麥長青陪伴開工，在農場又被七千隻鴨仔包圍，鴨仔更會跟實翠如。在城市生活的她起初也討厭鄉村的地方衞生環境較差，但慢慢卻愛上小鎮的寧靜。
麥長青到高處為大家拍照，寓工作於娛樂。黃翠如在廣東英德開工拍劇，與七千隻鴨仔為伴。
藝人黃翠如早前與陳展鵬、麥長青等到廣東英德，為劇集《心路GPS》拍攝外景，該劇是翠如加盟無綫後的首部電視劇，到英德拍攝除了有演員為伴，開工時翠如吸引鴨群包圍，她笑說：「其中要喺農場拍嘢，嗰度有成七千隻鴨仔！你行到去邊都係鴨仔，啲鴨仔會跟住你行。起初都覺得小村莊污糟，但係耐咗就會好鍾意英德呢個地方，山明水秀好寧靜，風景古蹟都好靚。」
無乜娛樂
劇組到英德拍攝了廿多天，演員和工作人員雖然人少少，但關係反而變得十分密切，她笑說：「拍攝都唔算辛苦，係曬啲，大家都曬黑咗，今次拍得好開心，感情好好，英德係比較落後嘅地方，除咗食消夜就冇其他娛樂，大家夜晚有時間，就喺房玩啤牌傾偈。」
練氣做賊
近期翠如再拍攝另一劇集《師父．我明白》，在劇中要扮演賊婆，為角色也要跑步練氣，她說：「角色係粗聲粗氣嘅賊婆娘，自己把聲柔弱啲，麥包同展鵬都教我要跑步、跳繩練氣、練講嘢。」
From:
http://orientaldaily.on.c ... /00282_082.html
