譚詠麟（阿倫）前晚在灣仔會展為華仁書院舉行籌款演唱會，王敏德與細仔王躍穎合唱助興，老婆馬詩慧與大女王曼喜撐場。曼喜謂專程由美國回港，朝早才抵埗即捧胞弟場，二妹麗嘉晚上回港後獨留在家，預計留港兩星期，自言是父母的最佳聖誕禮物，她驚訝胞弟長高不少：「細佬好高，好驚，我瘦咗冇高過，妹妹都成熟咗。瘦唔係因為讀書辛苦，係努力讀。」問有否拍拖及帶男友回港？她謂未有，身旁的虞茱迪即爆料：「咁靚女，點會冇？唔講你知啫。」
（左起）王敏德與細仔躍穎為學校唱歌籌款，大女曼喜與老婆馬詩慧前來捧場。阿倫（左）代表學生唱歌，向將榮休的港華校長譚兆炳（中）致敬，譚兆炳也獻聲回敬。
兩譚校長合唱
阿倫大唱經典金曲，台下觀眾衝到台前握手及影相，他見到DJ梁繼璋的近10歲兒子又奀又瘦時，即取笑梁繼璋：「你冇畀飯個仔食？」其後阿倫與舊生大合唱《知心當玩偶》，阿倫遞咪給港華校長譚兆炳唱幾句，兩位譚校長世紀合唱。
From:
http://hk.apple.nextmedia ... 121224/18111767
