做娛樂圈，靠面口搵吃，稍為修飾瑕疵，本來好閒，只可惜愈執愈過頭，關心妍變咗Angelababy，吳雨霏似李玟，好樣嘅整到唔好，醜嘅更醜，完全失控。
靚，冇一生一世！即使靚到好似林青霞咁，五十八歲，就算點keep，睇落都會鬆泡泡，但林美人並冇因為咁而打乜打物，堅持食老本，堅！
上星期一（十日）晚七點，《壹》仔喺中環娛樂行附近見到著到全黑嘅林青霞，同兩個女人買完嘢，一袋二袋上車走。架車之後上咗高速向機場方向行，全程百三颷住走。冇計，《壹》仔踩盡架車都追唔到佢哋架Benz，投降！
剪短咗頭髮嘅林青霞，除咗面肉唔夠緊緻，其他完全唔似58歲。同行兩女行快步將兩大袋Tiffany放上車，青霞（箭嘴）則由天機公關鄭紹康傍住，慢慢行上斜路。
撰文：八珍
