關智斌（Kenny）與張敬軒傳緋聞傳足幾年，大家都應該入晒腦，Kenny身邊點會出現女性！
青春勵志劇《成人記》，Kenny和女歌手楊洋一對，奉旨咀嘴。共10集的《成人記》，Kenny扮演5位高富帥主角其中之一的章楠，被讚靚仔。
點知Kenny早幾日突然放張咀嘴相上instagram，望真啲Kenny係同一位女性咀嘴，仲自嘲「鼻都扁咗」！搞到網友笑佢「駛唔駛梗用力」，原來係Kenny前排拍咗套國內製作嘅微電影《成人記》嘅劇照。近排軒仔應該因同唱片公司鬧翻搞到唔開心，好心Kenny就咪再post相上去激軒仔啦！
