王菲怕咗霆鋒2012年12月14日~~第907期忽然１周
早前霆鋒喺黎芷珊主持嘅《最佳男主角》中，自爆最愛王菲！咁啱媽咪姐上個禮拜就撞到王菲秘密來港，喺中環shopping，不過同行女助手一發現有鏡頭，就用大大把遮掩護老細。
而王菲一聽到媽咪姐提起霆鋒，緊張到揸實拳頭，急急腳坐車走人，好鬼避忌！咁又係嘅，女人分咗手就向前望，點似得啲男人鍾意舊事重提、拖泥帶水。
不過，一聽到「前度」霆鋒個名，天后就誓不抬頭，又揸實雙拳，粒聲唔出。放鬆啲，唔係戴佛珠都靜唔到心㗎。
雨中速逃
王菲好眼利，好快就見到媽咪姐。助手即刻做嘢，擔到把遮有咁低得咁低。
醜婦終須見家翁！王菲都明白呢個道理，最終一手拎開把遮。
