媽咪姐近年少咗聽廣東歌，唔係唔支持本地樂壇，而係廣東好歌真係買少見少。好似嚟緊嘅《勁歌總選》，就有傳大獎「金曲金獎」係關心妍（Jade）嘅〈失戀哲理〉同欣宜嘅〈Miss You〉之爭，打破以往天王天后壟斷嘅局面
喺《東華》捱完通宵，Jade周日（9日）晨早就去馬場唱歌娛賓，之後一直等到夜晚去攞「傑青」。阿Jade主動狂谷曝光率，早前「Suisse Reborn」就乘勢搵佢做代言人。
家陣呢個獎花落誰家仲係未知數，所以有份爭獎嘅關心妍連日來落力宣傳，一日至少走兩場爭取曝光機會。咁都未算，佢仲出口術話會請公司同事去泰國旅行，擺明暗示公司快啲同無綫傾掂數啦！勞心又勞力，難怪佢冇時間同老公造人啦。
上周六（8日）傍晚，Jade出席完沙田聖誕亮燈活動後，就趕到將軍澳電視城參加《東華》，捱眼瞓做魔術環節嘅陪襯。
狂踩捱眼瞓
