一身「盛裝」嘅黃聖依，大步大步咁由酒店行出嚟，甚有氣勢，可惜當時太大風，佢頂村姑帽話咁快吹甩！
靠星爺套《功夫》闖出名堂嘅黃聖依，被內地傳媒封為「中國四小花旦」（其餘三位係劉亦菲、楊冪同王珞丹），撈到風生水起。
不過今年29歲，祖籍四川嘅聖依，原來一冇咗華衣包裝，就同大家喺街撞到嘅「強國人」冇分別。話說媽咪姐早前喺沙田某酒店撞到聖依，佢身穿粉紅色上衣襯黑色四個骨legging，外面再披多一件白色近似透明嘅乾濕褸。咁都未算驚，最恐怖係佢戴住嗰頂帽真係並非隨處可見，係米白色花花圖案連紫色邊嘅漁夫帽。
聖依呢個村姑look，橫睇掂睇似自由行多過藝人。
好在聖依好身手，好快將頂帽接住！披頭散髮？驚咩呀！咁仲襯呢個騎呢look啦！楊子（左一）同黃聖依（左二）經常拍住出席活動，喺楊子打造下，身穿紅色晚裝嘅聖依算幾sharp，可惜佢個妖妝，真係好Halloween囉。
