吳雨霏明年1月8日開《The Present Concert演唱會》，對上一次踏紅館已經是11年1月，事隔兩年Kary當然好緊張，為咗呢兩場騷唔只要練歌，Kary更要操fit體能。
倒數開騷前一個月，她幾乎玩盡健身器械，收腹、練臂、操腳樣樣齊，務求盡快變成鋼條人，喺演唱會又唱又跳。上週她更開始練習手拉環，旁邊更有私人星級教練Ryan傍到實，似乎Kary今次演唱會將有高難度動作。
Kary咁重視呢個騷，因為她入行剛剛10年，而《叱?》近日公布女歌手5強，Kary亦入圍，難怪她感觸地說：「真的感謝所有歌迷這10年對我不離不棄，我已經非常感恩。」又係嘅，你睇餅碎仲剩番幾多件撈得掂就知啦！
Kary十分專注訓練演唱會環節，但仍不忘穿着贊助商運動衫，果然係醒目女！
Kary一次過玩了多項健身器械，誓要由頭操到落腳，喺一個月內練成鋼條人。
