楊怡同羅仲謙呢一對，拍拖年半，今日有報道話，兩人好事近，仲係出拉埋天窗。不過爆出呢單嘢嘅心，竟然係一個神婆———咁信定唔信，由你決定喇。
報道係話，上個月謙謙同楊怡一齊去咗搵神婆娟姐，話搵佢贈言幾句，仲話謙謙提出咗三個好日子俾神婆夾，問究竟邊日最夾佢哋辦喜事喎。神婆話全部都係農曆年之後嘅，但呢位高人就幫佢哋揀咗出年9月，仲話楊怡好旺謙謙、邊個黐到佢都有運行呀﹗
不過今日楊怡出席新劇宣傳時，就話﹕「佢(謙謙)都唔八卦，唔信神婆。細個只諗過嫁畀阿媽，現階段大家都以工作為先。」上次去大馬攞獎，謙謙已經公開多謝楊怡，仲話搵到佢人生中最重要嘅嘢。咁如果呢段姊弟戀開花結果，大家都樂見其成啦。
日前無綫突然吹雞晒冷，楊怡同謙謙坐到咁近，擺明俾無綫擺上枱。
