梁靖琪（Toby）早排同吳卓羲肉騰騰鴛鴦戲水，唔少人睇到眼寃，好在有個心胸廣闊嘅老公仔，若果唔係，隨時家變都似。
前幾日，媽咪姐喺九龍城見到佢兩公婆拍住拖搵地方食晏。Toby老公泊低車即去入錶，相反Toby猶如女皇一樣，施施然落車。冇乜化妝嘅佢，更隨手拎住支mascara，大庭廣眾對住車窗化妝。未生仔已經求其成咁，睇嚟Toby老公唔止大方，對老婆仲冇乜要求㖭！
Toby一落車，媽咪姐老遠已經見到佢右眼下角腫咗一大嚿。唔化妝，老實講，好難認得出佢係artist。
呢日唔化妝嘅Toby雙目冇乜神，梗係要執執佢，但媽咪姐諗極唔明點解佢要對住架車嘅玻璃化囉！
