名媛陳君宜（Qinnie）最近斥資逾百萬元創立潮流雜誌，頭炮請來蔡卓妍（阿Sa）做封面女郎，Qinnie表示向來很喜歡阿Sa，覺得對方形象好又有潮流觸覺，問到今次是否重金禮聘對方拍照？她笑言：「都係o架！但佢都畀咗個友情價。拍攝當日係我第一次同阿Sa見面，發覺佢原來好細路女，好得意，不過一影相又成個人唔同晒。而當日咁啱又係佢生日，所以我都預備咗個蛋糕同佢慶祝。」而陳曉東及陳嘉容會分別擔任第二及第三期封面。
陳君宜（右）送上蛋糕為阿Sa慶祝生日，又大讚阿Sa可愛。
Qinnie與徐子淇老友鬼鬼，問她會否邀請子淇拍攝時？她直言：「我都好想，佢個樣同身形都好靚，生咗三個小朋友都可以keep得咁好，不過唔知佢有冇時間！」Qinnie現在既是網上時裝店老闆娘又要兼顧雜誌，工作非常忙碌，不過她就樂在其中：「其實今次做雜誌係我老公建議，佢都有份做，大家都做得好enjoy。」
陳嘉容及陳曉東分別為雜誌影封面。
