晚晚都播緊嘅台慶劇《大太監》連FBI都追緊，劇中黃浩然同陳茵媺段情真係愈睇愈肉緊。現實中，黃浩然一樣係黐家好男人，結咗婚後都冇傳過同其他女人有古怪。
上週一（26日），新劇未開，又唔使宣傳《大太監》，黃浩然即時回復好男人本色，陪老婆shopping行街街。當日傍晚6點幾，浩然同老婆莫家嘉喺銅鑼灣時代廣場出現，兩公婆坐電梯去到地庫，即刻好有默契咁分道揚鑣。家嘉一個箭步入咗超級市場，而浩然就行入LOG-ON度睇結婚賀咭，三分鐘後二人即會合行去停車場。過完二人世界，梗要嗱嗱聲返歸過三人世界啦！
黄浩然喺劇入面做好男人，劇外同樣係好男人，每次放假都係同老婆行街街，今次被影到單拖，好難得㗎喇！黄浩然同老婆莫家嘉上年一索得男生咗囝囝Kayden後，仲成日被影到撇甩囝囝二人世界拍拖行街，好有情趣。
