■楊怡和羅仲謙齊齊得獎，不過她卻不肯公開多謝謙仔。
■胡杏兒、徐子珊、楊怡及馬國明等由馬來西亞回來即祝捷。
無綫的小生花旦前晚到馬來西亞力撐「Astro On Demand我的最愛頒獎典禮2012」，《On Call36小時》獲八個獎成為大贏家，該劇男女主角馬國明及楊怡首次稱帝封后，羅仲謙也因該劇獲我的最愛電視男配角獎，古明華憑蘇基一角奪我的最愛出位人氣王，胡杏兒僅得我的最愛電視角色獎。
昨日一眾藝員回港，在機場酒店舉行祝捷會。問羅仲謙得獎時有人在現場大叫結婚，他謂：「黐線，結婚呢啲嘢隨緣喇，好女仔一定多人要，唔知自己有冇咁嘅福份。」楊怡被問到為何不肯在台上多謝羅仲謙？她表現冷淡說：「冇話要多謝邊個，冇乜嘢要多謝咪唔使住。」羅仲謙指拍《On Call36小時》遇到重要事，楊怡只說：「我係人，唔知佢講乜嘢。」現場有人起哄叫結婚，楊怡笑言聽到頭暈。
馬明利用女神問馬國明得獎後會否信心大增爭視帝？他表示沒有，記者指他是高登男神，應發動網友投票支持自己，馬國明即說：「都好喎，但我冇戶口，要即刻登記，我知啲網友鍾意香香（岑麗香）同苟姑娘（苟芸慧），如果網友投就送佢哋嘅靚相。」徐子珊亦不執輸指自己會送林峯的靚相和隨身物給投她票的觀眾，至於得視后信心，徐子珊直言：「我希望係攞下一個獎，而唔係下年先攞獎。」楊怡送甚麼給觀眾？她即說：「咁我送羅仲謙畀大家。」記者笑言叫她送羅仲謙的裸照，她即拍打記者笑言：「呢個世界冇裸照。」
