林峯出年1月又開演唱會，不過今次講明之後2年都唔再開騷，博班師奶今次撲飛囉；記者會仲搵嚟人氣急升嘅岑麗香造勢，原來之前林峯同香香仲拍咗個微電影，明知自己容易惹緋聞嘅林峯，喺記者會上，都唔敢同香香行咁埋，反而錢國偉就好落力，上台落台都扶實香香，連英皇高層吳雨都mark實香香，香香真係魅力驚人。
香香着住5吋高踭鞋，錢國偉即主動扶上台。
香香準備開香檳嗰陣，疑似俾樽塞整親手，吳雨（右）即上前「呵」番，睇吓香香有冇事，香香真係萬千寵愛。
似足BIGBANG
已經第4次開個唱嘅林峯，以暫別舞台sell班fans，而張chok到暈嘅SM造型，似十足韓團班霸BIGBANG成員太陽同大成喺〈MONSTER〉嘅造型喎！
