11月19日黃曉明喺北京拍攝《白髮魔女傳之明月天國》時候發生意外，從三米高處墮地致左腳兩根腳趾粉碎性骨折。黃曉明入院後病情惡化，高燒持續不退。佢經理人黃斌就透露黃曉明的確喺頭三日好痛，夜晚瞓唔到，上星期尾要動手術，喺腳裏面鑲鋼釘。
FBI聽到要喺腳裏面鑲鋼釘都毛管戙，但黃曉明為免影響進度，竟然向《白》片導演張之亮提出要坐輪椅到片場，先拍身體同塊面嘅大特寫，但最後被張導演拒絕咗，佢話希望黃曉明醫好先再講！計FBI話，今次執番身彩喇，整親腳，唔係塊面！
黃曉明入院時仲好清醒，但左腳就明顯腫晒。FBI聽聞Angelababy知道男友跌傷後好緊張，即刻取消喺杭州嘅工作，飛去北京陪住男友。
黃曉明好鍾意熊貓，受傷後佢竟然喺腳套上畫咗隻熊貓叫自己加油。隻熊貓又幾可愛喎。
李宇春喺今個月初先至孖住黃曉明嚟香港出席聖誕活動。李宇春話：「再忙也要抽空去醫院看他，我們是《血滴子》裏的戰友。」
撰文、攝影：FBI
