樂基兒澳洲歎世界

樂基兒同黎明自宣布離婚後，玩足一個月先返香港回應離婚。不過轉個頭Gaile又去咗澳洲，仲上載咗新相上instagram。


肥咗成個碼返香港嘅Gaile，都唔戒口，仲話最鍾意香港美食添！搵完錢，Gaile已飛咗去澳洲玩，鍾意陽光海灘嘅Gaile仲去埋黃金海岸，完全唔怕曬黑。

上次返香港肥咗又黑咗嘅Gaile，據聞經理人公司已經勸佢減肥，但Gaile一於少埋，仲曬到勁黑，同公司唱反調。不過，自離婚之後，Gaile出騷價升咗唔少，仲有唔少廣告商搵Gaile拍廣告，上次返香港嗰轉，2個活動已經有差唔多穩袋百萬，難怪Gaile仲可以聲大大啦。