■黃耀明前晚邀請台灣歌手陳珊妮、內地歌手左小祖咒（左）擔任音樂會嘉賓。
黃耀明前晚集合中港台歌手陳珊妮同埋左小祖咒，喺西九龍文化區海濱長廊舉行文藝復興2012音樂節。有新一代現代搖滾教父之稱嘅左小祖咒同明哥合唱《你還愛我嗎》，明哥問左小祖咒：「你愛我嗎？」之後二人嚟一個擁抱同錫面。
攬錫搖滾教父事後明哥話同左小祖咒好老友，所以唔怕。有現代搖滾教父之稱嘅左小祖咒獻唱《吹牛》一曲，歌詞都牽涉到啲內地敏感話題，其中歌詞有「艾未wei是我的小毛驢，章子怡是我的小媳婦」等。
明哥又提到前晚10點半綵排時，都俾人投訴，佢話：「都係一年一次，希望大家畀機會演出人士。」另外，提到趙式芝同Sean搞婚宴，明哥強調自己冇諗住會搞婚宴，因為佢忙於搞文藝復興基金嘅活動，佢話：「我都講過好多次啦，兒女私情我唔得閒理住，婚宴真係唔會搞住，但係結婚嘅權利我一定會去爭取。」
