【今日我至錫】鍾嘉欣得唔到喜愛角色提名，坦言失望，好彩噚日出席活動有班忠實粉絲錫番兼支持，令佢有動力向前衝！
■楊怡（右）獨霸我最喜愛的電視女角色兩項提名，令人覺得無綫處事不公。
【萬千星輝頒獎典禮2012】無綫台慶頒獎禮候選名單前日已公佈，網上亦開始進行投票預選視帝視后，一班劇集《天與地》死硬擁躉也發起行動誓要奪最佳劇集，另方面鍾嘉欣未獲喜愛角色提名，其粉絲鬧爆無綫。
無綫台慶頒獎禮候選名單甫公佈，各討論區已反應沸騰，有網友開盤買視帝視后，視帝暫時以黎耀祥、林峯、馬國明最熱，視后則由徐子珊、楊怡、佘詩曼佔頭三位。而一班劇集《天與地》忠實擁躉也發起「一人一票投《天與地》得最佳劇集」運動，還支持阿佘搶視后寶座。
愕然兼失望憑《護花危情》角色喬子琳爭視后的鍾嘉欣未獲我最喜愛的電視女角色提名，粉絲們即在網上鬧爆無綫，更質疑楊怡為何有兩提名，嘉欣前晚在電話中說：「舊年兩個提名冇獎，今年連角色獎都冇提名，既愕然亦失望，亦希望粉絲唔好唔開心，因為個個都付出努力，我都會加倍努力。」覺得無綫錫你嗎？嘉欣笑說：「錫，都可以更加錫。」嘉欣表示與阿怡是好姊妹，知道所有演員都是被動。嘉欣昨到中環慶祝唱片開賣一周佔據流行榜第一位，問到會否跟伍允龍分享喜悅，她強調那只是緋聞，嘉欣又坦言沒信心攞視后，睇好楊怡奪獎。
另一花旦李詩韻更慘，今年零提名大感失望，幸《大太監》中的演出被鄧萃雯讚賞，總算得個安慰獎。
