發新話題 Report thanks

張茜當街餵張衞健甜到漏

張茜當街餵張衞健甜到漏圖片1
【今日我至冧】結婚3年都好似新婚咁,張茜當眾餵健仔食朱古力,除咗甜之外,仲冧爆㖭!

【中環置地】張衞健(Dicky)太太張茜早幾年不幸小產,好在佢兩公婆一早已經走出陰霾,家兩公婆繼續努力造人,希望可以生番個肥肥白白嘅BB。Dicky無論工作幾忙,都會抽時間陪張茜,好似前日記者就見佢兩公婆孖住去中環行街掃貨,兩個人唔單止拖手仔,而且張茜重主動餵老公食朱古力,好似新婚夫婦咁甜蜜。

乜都睇一餐前日下晝5點半,帶住冷帽嘅Dicky同帶住帽嘅張茜一齊喺中環行街,Dicky手指指同張茜講嘢,記者差啲俾佢插中隻眼㖭!兩公婆拖住手逐間舖頭巡,又時裝又首飾又手袋皮鞋,似乎好耐冇濕平咁款。之後佢哋入咗去置地一間時裝店左揀右揀,逗留咗半粒鐘之後終於有收穫。買完衫之後,佢哋行去一間朱古力店排隊買朱古力,張茜自己食之餘都有餵老公食,真係好鬼sweet。冇幾耐佢哋發現記者影相,仲好大方咁揮手打招呼,然後繼續濕平。

TOP

thanks