栢芝媽（左）接受吳綺莉嘅訪問，直認當年一家為慾照受到好大困擾。
甚少接受訪問嘅張栢芝媽媽Davies Shally，噚日接受商台節目訪問，面對栢芝當年同陳冠希拍下慾照流出，栢芝媽坦言唔開心，佢話：「真係好唔開心，發生咗後，我覺得當時男未婚女未嫁，拍拖係好普通嘅事，點解要令我個女咁無辜，咁唔開心。」栢芝媽承認事件困擾咗屋企好耐，但家都已經過去晒。
認少見拉姑栢芝媽大讚個女顧家孝順，讀書時甚少出街好自律，自細喺屋企都係管家婆，又有承擔力，外表似爸爸硬朗，內在似媽咪心軟，以前兩母女會多啲溝通，自從栢芝拍廣告入娛樂圈後，大家溝通少咗。
張栢芝同陳冠希咁多年嘅風風雨雨，一度反目成仇。資料圖片
栢芝媽話個女當年同霆鋒拍拖、結婚同離婚，佢都尊重個女意見。
但栢芝媽話，不論栢芝任何決定好似拍拖結婚，只要佢鍾意就信任佢。講到有指栢芝媽同前親家狄波拉及謝賢不和，佢坦言同佢哋關係普通，好少見，亦唔評論點睇前女婿謝霆鋒。
至於話栢芝一個人養起全家，細佬好似柏文同豪龍唔搵嘢做嘥錢，栢芝媽話栢芝係顧家，但細佬都好叻，會去教人滑水賺錢，有自己工作。
