【今日我至狼】葉璇日前喺北京食飯，一見潮男現身就即刻撲上去，真係好狼噃！《騰訊娛樂》圖片
【北京】近年全力喺內地發展嘅葉璇，除咗拍內地劇外，仲投資埋拍劇，好似內地劇《紫釵奇緣》就係佢有份做老闆，仲搵埋舊男友、家已經結婚生女嘅陳浩民做男主角，搞到浩民嫂蔣麗莎要帶埋囡囡探班宣示主權，有人覺得浩民嫂小題大做，但當你知道葉璇同異性真係玩得好埋，就唔會咁諗。
話說早幾日傍晚，正喺北京拍內地劇《抓緊時間愛》嘅葉璇同朋友喺賓館敍會，見佢素顏兼紮馬尾，期間有個衣着較潮嘅男人遲嚟，葉璇一見到佢即刻好熱情咁打招呼，男方都好開心捉住葉璇雙臂，而葉璇就搭住男士膊頭玩得好開心。
潮男同葉璇鬼咁好傾，雞啄唔斷。
《騰訊娛樂》圖片
最後葉璇同潮男離隊單獨去食飯。
《騰訊娛樂》圖片
想跳上男人身咁仲唔止，葉璇仲想跳上男方身，不過唔成功，但個男仔就順勢抱住葉璇一陣。成班人喺賓館度短聚咗一陣後，嗰位潮男同葉璇單獨去食飯，一路有說有笑好親密。雖話鬼妹仔性格啫，但浩民嫂擔心都係有理嘅。
