【今日我至騷】唔使出席無綫節目巡禮做人肉佈景板，仲可以搵真銀，阿佘抵你風騷嘅！
無綫前晚出動過百藝員出席2013年節目巡禮，不過已離開無綫出外搵真銀的佘詩曼，前晚賣大包以低胸裙出席聖誕亮燈儀式，打扮猶勝出席台慶亮燈，而同樣離開無綫的張可頤就暗寸表示自己會奪得飛躍退步獎，擺明寸爆無綫。
無綫前晚出動過百藝員出席「節目巡禮2013」，但近年能獨當一面的小生花旦買少見少，曾是無綫一姐的佘詩曼因已離巢，所以前晚情願搵真銀，到尖沙嘴出席聖誕亮燈儀式，阿佘更賣大包穿上低胸裙示人，隆重程度猶勝出席台慶亮燈。
無綫年年都舉行晒冷騷，花旦小生都要着到靚靚出席。
子珊角色發揮大阿佘在《天與地》的演出被捧為視后大熱，雖然她不知詳情，但就很開心，不過提到是否有信心奪獎，她說：「等公佈名單先，我到時都唔喺香港，應該拍緊劇。」但她直認遇到如此好劇本及這麼好角色，已十分開心。
有指戚其義和周旭明會離開無綫，阿佘希望大家可以在內地再合作，她覺得《天》劇給了她及觀眾美好回憶。至於是否沒獎也接受時，她說：「唔可以咁講，每個獎都係好大鼓勵。」她亦強調如果度到期一定會回來參與頒獎禮，但要看是否有份入圍才決定。
問阿佘睇好誰奪視后時，她反問記者有甚麼對手，又指有欣賞《雷霆掃毒》，大讚徐子珊角色很大發揮，她說：「都有睇楊怡套《名媛望族》，不過我未睇米雪嗰套，唔可以唔公平評論。」有指一人一票選視帝林峯將為大熱，阿佘即表示支持對方，又直言個個都支持，因為個個都係friend。
張可頤自問幾夠膽，所以不怕出言寸無綫。
自嘲可攞退步獎緋聞男友鄭嘉穎日前拍劇眼部受傷，阿佘有send短訊問候，嘉穎亦叫她放心，阿佘指男仔有疤痕會更man及滄桑。記者取笑她與嘉穎答案一樣，她即拍拍下巴說：「都係咁答，我下巴都有疤啦。」
此外，過檔到城電幫王維基拍劇的張可頤，前晚到四季酒店出席護膚品活動，對於被無綫大細超冇得亮相宣傳《天梯》時，可頤抵死說：「好驚喎！我喺母校長大，家到外面睇吓，宣傳只係錦上添花。」至於《天梯》是否有份入圍，可頤即寸嘴說：「如果我角逐應該係飛躍退步獎，自己同無綫冇約，機會幾微。」
有傳她本來擔演《大太監》中慈禧角色，因她不續約才飛走她，問會否覺得走寶，可頤說：「好多傳聞，走寶係冇得睇。」對於城電遲遲未獲政府發牌，她強調需要香港朋友支持，幸好自己想法正面，對於被指是開荒牛，她直認：「我幾自由身，幾夠膽，幾有勇氣，直覺work就work。」
