【今日我至濫】Bosco同杏兒分手後，前晚喺首映上連剩女阮小儀都攬，唔怪得連森美都睇唔過眼。
黃宗澤（Bosco）和胡杏兒早前宣佈結束8年情，不過有傳是由女方出手斬情絲，因此男方不斷箍煲。日前杏兒度過33歲生日，Bosco透露亦有傳短訊祝福，但卻無奈暗示杏兒未有回覆，看來杏兒的確對Bosco死心，復合無望。
本周二是胡杏兒的33歲生日，但她卻要飛英國倫敦拍外景，當日被問到舊愛黃宗澤有甚麼表示時即封嘴不答。前晚Bosco和鄧麗欣（Stephy）到圓方出席新戲《等．我愛你》首映禮，Bosco被問到杏兒生日有甚麼表示時，直言有傳短訊祝賀，但再問到杏兒有甚麼反應時，Bosco即無奈地說：「我生日都唔會個個都回覆。」擺明暗示杏兒未有回覆其短訊。一直有指Bosco想箍煲，但看來杏兒已徹底死心。
零信心爭視帝再追問Bosco有否請近日傳撻着的徐子珊來撐場，他說：「哇，講到咁遠。」提到女方日前為澄清緋聞搞到眼濕濕，Bosco說：「唔好意思，當佢幫手宣傳。我家都冇乜女仔朋友，寫親邊個衰邊個。」
Bosco今年被指憑着倉底貨《護花危情》爭視帝，他說：「唔知，我冇乜信心。祥仔（黎耀祥）算係我半個師傅，松哥（劉松仁）我自己鍾意，同佢哋爭真係受之有愧。」提到林峯多fans，若公開投票會佔優，Bosco表示無所謂，Stephy即幫手說：「唔係，Bosco都好受歡迎，我好多女性朋友迷戀佢。」
