近年，內地製作公司求才若渴，為挖藝人北上拍劇，閒閒哋都揼過百萬片酬，無綫藝人如林保怡、佘詩曼、廖碧兒等在港約滿後，相繼離巢轉戰神州搵人仔。
據知屢犯色戒的小生吳卓羲及黃宗澤，與無綫尚有約兩年合約，最近分別獲「北京海潤」及「華誼兄弟」撬過檔。兩人深知留在無綫冇運行，亦把心一橫約滿後離巢。
愛情冇着落，吳卓羲的事業亦被陳展鵬及馬國明後來居上。意興闌珊的他寧願往內地發展。吳卓羲瘟女瘟出禍，同時嗒張馨予（圖右）及圈外富家女，最後東窗事發，一拍三散。
背杏爛滾
與胡杏兒拍拖8年，黃宗澤緋聞未停過，繼年前與華姐倪晨曦（上圖）影親密照，今年5月再傳搭上國產女星柳岩及唐嬌。近日更有指杏兒7月喊住宣布分手，因發現黃與無綫姣精徐子珊有景轟。
33歲的吳卓羲（Ron），溝女戰績彪炳，前年與國產模張馨予玩真情，無綫多番阻撓亦徒勞無功，索性採取放棄態度，替他推掉賺錢的內地劇之餘，在港拍劇只讓他做陪襯。吳卓羲有份拍攝的《叛逃》和《名媛望族》，亦分別被陳展鵬同馬國明騎住冇得上位。不過吳卓羲仍有後着，早年他在內地拍劇時，識落不少內地製片商，即使約滿後被無綫棄用，亦可轉望神州。
玩人妻惹禍
屢遭打壓亦未知驚，吳卓羲最近再闖下彌天大禍。9月，他到三亞拍《衝上雲霄2》時，與人妻梁靖琪（Toby）在泳池肉搏嬉水。據知報道一出街，高層樂易玲與梁家樹（Tommy）相當震怒。「樂小姐成日勸Ron唔好同女藝人黐得咁埋，今次佢仲同Tommy個女、已為人妻嘅梁靖琪喺池邊玩到咁癲，樂小姐講明唔會再撐佢，叫佢自己同Tommy解釋。Tommy嗰邊啲監製收晒風，亦唔敢再用佢，寧願改用其他上位小生。」知情者透露。
下周舉行的節目巡禮，據知吳卓羲僅得一套片花《食為奴》，相比他去年五劇出街，今年亦孭住兩套重頭劇《名媛望族》及《衝上雲霄2》，受冷待顯而易見。
今年9月，吳卓羲在三亞拍《衝上雲霄2》期間，與高層梁家樹（小圖）的愛女梁靖琪在池邊玩得興高采烈，扯煙飲酒兼講粗口，前途盡毀。
搭路過海潤
一早嗅到味的吳卓羲，近日為《衝上雲霄2》開工時亦無心戀戰，頻頻NG，搞到拍檔吳鎮宇發火，當場拉住他訓話。吳卓羲如此大安旨意，原來與內地的海潤影視傾掂數，約滿後隨即執包袱走人。早前他已說過：「拍內地劇好搵，酬勞幾乎係香港兩三倍，好吸引。等我約滿後，再諗係咪出外面闖。」
知情人士表示：「Ron知喺無綫唔會有好發展，咪疊埋心水約啲內地製作人食飯，傾下有冇合作大計。其實佢未同張馨予散之前，都有同佢經理人講過，想約滿後過檔，到時情侶檔上陣，不過依家冇啦。最後佢同海潤傾好，對方出價600萬包佢兩年。」日前本刊在《名媛望族》活動上訪問吳卓羲，他承認渴望北上發展，「我都想拍內地劇，等公司安排啦。」不過當記者提及他約滿後過檔海潤，他卻迴避說：「我同無綫仲有約，到時再諗啦！（海潤搵你傾條件？）傾都冇用，都要等約滿先考慮。」仍與無綫有約的他，表現相當避忌。
淪為陪襯
在新劇《衝上雲霄2》，吳卓羲與視后胡杏兒及傅嘉莉情陷三角，他的戲份亦與飾演風流機師馬國明相若，降晒呢。
黃宗澤與胡杏兒分手後回港拍新劇《好心作怪》，有指他食慾不振及悶悶不樂。周日（28日），記者在外景現場所見，他和周麗淇等演員都冇乜交流，只匿埋踩單車。
黃宗澤：傾過下
至於年中疑偷食被胡杏兒狠飛的黃宗澤，據知現時有兩至三間內地製作公司曾接洽他，當中以華誼兄弟成數最高。知情者透露：「舊年有內地製作人撩過Bosco（指黃）過檔，佢諗都冇諗就推咗，因為同TVB份約要2015年初先到期。不過當佢見到鄭嘉穎、林峯往內地拍劇，身價愈拍愈貴，佢就開始後悔。講真佢留喺無綫，都唔會俾佢長時間喺內地拍劇，加上同杏兒又冇得『掹』，不如簽間內地公司重新開始。華誼兄弟好闊綽，講明價錢、條件有得傾，佢哋手頭上又多一線藝人，Bosco入去自然有好發展。」
日前，黃宗澤接受本刊訪問時亦漏口風表示「有傾過下」，更表示：「依家有好多劇本排住隊等我揀，都有4、5個㗎！其實我都想減少啲拍港劇，分番一半時間拍內地劇。講真，手停口停㗎，唔使做咩？我仲有3層樓供緊。（有幾多間內地公司撩過你過檔？）……我起碼兩、三年先約滿，到時先諗啦！（咁係咪有傾過先？）傾過下啦，但都未傾價錢！」同樣衰過喺女人手上的黃宗澤和吳卓羲，似乎現階段要為自己的事業籌謀下。
損失千萬
早前，吳卓羲自爆無綫幫他推掉五、六套內地劇，以他身價每集收10萬人仔，損失高達千萬。今年中，他只拍了一套內地電影《凶間雪山》，無獨有偶，女主角鄧麗欣去年亦簽了「北京海潤」。
肌男上位
隨住林峯、鄭嘉穎專注內地發展，小生又少兩個，無綫積極提攜80後新仔接棒，以下4位新紮小生跑出機會最高，今明兩年推出的劇集真係拍到冇停手。
