陳冠希（Edison）身邊一向多女，佢同「女版Nel Nel」謝芷蕙（Cammi）分手之後，先後同麥浚龍舊愛戴庚玲（Janine）以及內地富二代王思喬等傳過緋聞，而最近一期嘅新歡就係佢自己台灣潮店Juice嘅女sales。
Edison帶Ann匿埋公園角落位飲嘢談心，真係講心唔講金。公園灑水系統開動，Edison於是轉場帶Ann返佢入住嘅晶華酒店繼續談心。
22歲嘅Ann拖住Edison時個樣冧爆。Edison喺instagram擺新相，原來佢前晚扮白狼同班員工慶祝哈囉喂。挽手行公園
原來，Edison呢位新歡唔係之前傳聞叫Angela，而係叫洪文安（Ann），今年22歲嘅Ann比今年32歲嘅Edison細足10年。本周一晚，Edison被發現同Ann喺台北拖手行街，兩個人買咗啲飲品之後，走咗去附近公園一個好僻靜嘅角落位坐低談心。點知咁啱公園自動灑水系統啟動，Edison就即刻拖Ann起身，然後乘機帶Ann返佢入住嘅晶華酒店繼續傾心事。呢輯拖手相令佢哋四個月戀情浮晒上面，Edison今次想唔認拍拖都幾難囉！
另外，Edison前晚亦有同員工慶祝哈囉喂，噚日佢上載兩張相上instagram，相中佢扮一隻白色嘅狼張牙舞爪，真係夠晒「狼」。
