雖然夾在父親趙世曾（小圖）和Sean之間，但趙式芝仍抱樂觀心情面對
趙式芝和Sean愛得高調，但前晚Sean卻因怕醜而臨時缺席。資料圖片
趙式芝早前與楊如芯（Sean）在法國舉行同性婚禮，但父親趙世曾卻不認「女婿」，更出動五億招女婿，令趙式芝左右做人難，前晚趙式芝單拖現身活動，自爆Sean不喜歡她閱讀有關招女婿的報道，並直言要等Sean及父親準備好才安排兩人飯局。
現年33歲的趙式芝今年4月與波爾錶太子女楊如芯在法國舉行同性婚禮，事件轟動全城，因父親趙世曾拒認「女婿」，更出動五億來招親，令事件成為國際傳媒的焦點。趙式芝夾在父親和Sean中間，左右做人難。
避看招婿報道前晚趙式芝單拖到銅鑼灣出席廚具店開幕，原本名單上有Sean的名字，趙式芝自爆因為Sean怕醜而缺席。對於她的同性婚姻惹來不同聲音，她說：「自己幾開心，有好多支持聲音，始終香港少呢啲先例，今次可以令到個社會對同性關係有接受及正面態度去面對，香港要改變都好快。」
對於父親不承認其婚姻，並曾以五億招女婿，趙式芝說：「冇詳細睇啲資料，Sean唔鍾意我去睇，自己盡量避免。」她亦坦言已認定Sean為終身伴侶，並強調與父親關係仍然close，但她肯定不會改變個性，對於會否安排父親和Sean見面時，她說：「等佢哋ready好先，有啲嘢唔係單方面，就算爹哋想搵Sean食飯，但係喺Sean內心裏面搵啱一啲嘢，識得喺一段關係入面，對我爹哋媽咪另一種付出，係好多荊棘，但係我又唔怕，反而幾有建設性。」
心情大好的趙式芝已認定Sean為終身伴侶，兩人打風都打唔甩。
不再與父爭論趙式芝表示作為父親想提供更好的東西給女兒，現時父親只是不肯定她的選擇是最好，相信他會慢慢明白。早前蘇施黃批評其父不懂愛人，她澄清說：「佢唔係唔識愛人，只係唔識表達，識唔識同表達係好細分別，好榮幸可以同爸爸一齊做嘢，好似追番細個冇喺身邊日子，佢畀好多愛我，佢係偉大嘅人，我唔會用辯論去改變佢嘅睇法，要用行為去堅持。」至於何時擺酒，她就表示會交給Sean負責。
