前英皇小花何嘉莉，冇做歌手後，嫁咗俾「發記甜品」太子爺黃逸璋，8月底仲生埋囝囝黃尚恩，成為典型少奶奶，生活唔使憂。
上周四（18日），生完仔唔夠兩個月嘅何嘉莉，首次蒲頭撐老死陳柏熹嘅Moiselle活動。着住透視裙出動嘅佢，身材離奇地fit到爆燈，仲講到明︰「要出嚟見人，當然會俾心機啦！我要全力復出，已有一年冇理自己間時裝店喇！依家心急到不得了，老公都好支持我做好工作。」幾時都話，女人為咗靚，毅力特別驚人！
無論前睇、側睇，產後嘅何嘉莉都冇忽肥肉，反而上年未有B嗰陣，佢塊面脹到似個包。
何嘉莉同謝婷婷企埋一齊，身形一樣咁纖瘦，唔講唔知佢啱啱生完仔。今年9月，何嘉莉喺微博晒慈姑椗。阿仔眼大大，似足媽咪。
