前晚莊思敏狂寸思浩主持的節目爆十幾年前的舊料，怎料思浩即時手指指出現。
查小欣以為自己還在主持電台節目，時常在談話間叫被訪者的名字。電視圖片
查小欣主持的無綫節目《爆足一周》觀眾人數不過百萬，創出黃金時段收視新低。同樣主持爆料節目的梁思浩日前已開腔狂踩，前晚他現身時再度發功彈查小欣表現差，無綫應要換鄭裕玲頂上，他更嘲笑燈光師未有為查小欣打好面上的燈光，令她老態盡現。
有份主持《爆足一周》的莊思敏，前晚到銅鑼灣出席活動，提到《爆》會否因收視差而遭腰斬，她表示暫時照做未有收到不好消息，提到梁思浩日前狂踩他們，莊思敏出口護無綫說：「我哋收視差極點都好過收費電視台，咪當互相宣傳。我有睇佢個節目，翻炒仲多，佢同星爺（周星馳）合作咁多年前都講番，小方（方力申）被屈嗰單桃色事件都幾年前，我哋最多講番一星期前嘅嘢。」
王喜（左）與思浩不約而同欣賞嘟姐的主持風格。資料圖片
建議換嘟姐說畢梁思浩到場，兩人表面上全無芥蒂還咬耳仔合照，之後梁思浩表示大家只是各為其主，是否覺得《爆》要腰斬？梁思浩矛頭再指向查小欣：「冇需要，只要換人，如果換嘟姐（鄭裕玲）我就有啲驚。佢（查小欣）冇做電視，明明康仔（蘇永康）喺隔籬，唔使成日叫住佢個名，又係咁叫住祖名，真係冇經驗，叫到大家都唔想睇，唔好當觀眾唔識康仔同祖名。」
梁思浩雖然口口聲聲指會得罪人，但他接着繼續踩查小欣：「佢真係同燈光師唔熟，啲師傅冇為佢打燈打靚啲，咁上下年紀要啲師傅錫吓，叫佢請食飯萬歲。」
此外，最近開咪頻頻寸無綫的王喜，昨日凌晨致電黎芷珊時，又乘機寸查小欣說：「我唔會問你同張達倫分手詳情，我唔係八卦，唔係人哋以為我哋係《讀足一周》，讀書個讀呀。」
