Stephy已有另一半方力申，故不怕與Bosco拍戲傳緋聞。
黃宗澤與鄧麗欣最近合作拍愛情片，由鬥氣冤家變情侶。
黃宗澤與鄧麗欣（Stephy）在新片做情侶，現實中男方甩拖dry dry哋，後者則有男友方力申。提到方力申曾謂若見到Stephy拍親熱戲，會用「掩眼法」避看，Stephy索性提議說：「佢咪唔好睇或者嗰個位去廁所囉！」
甩拖一段時間的黃宗澤（Bosco），最近與鄧麗欣拍攝愛情電影《等．我愛你》，戲中兩人由冤家變情侶。早前Bosco和Stephy一起接受訪問，被指與胡杏兒分手後消瘦不少的Bosco已回復狀態，現階段寄情工作。
Bosco說：「我覺得dry dry哋幾好，瘦瘦肥肥成日都出現啦！瘦咗食番肥，只係近排多運動，呢排開工少咗。」是否意味分手時他茶飯不思而消瘦，現在放棄翻兜女友身形也回歸？他尷尬地說：「嘻，唔答你。」
Stephy笑着叫方力申躲在廁所避看她的親熱戲。資料圖片
與胡杏兒甩拖的黃宗澤不諱言dry dry哋。資料圖片
與小方最有默契與Bosco相反，Stephy則與方力申拍拖多年，依然甜蜜。早前小方稱會用「掩眼法」或快鏡避看女友與Bosco的親熱戲份，Stephy對此說：「係咩？佢冇問我，冇要求唔准拍錫戲，最多佢咪唔好睇或者嗰個位去廁所囉。」Bosco聞言笑說：「希望唔會引起佢不安啦，呢套戲我哋冇親熱戲，最親近係頭貼頭。」
Stephy從影以來分別跟森美、方力申和Bosco做過對手戲，當然跟男友默契最好，她說：「我哋合作咗好多次，累積咗默契，而森美同Bosco好搞笑，仲獻出螢幕初吻畀森美。」
