為記錄與前度女友的點滴回憶，古巨基特別炮製新碟《告別我的戀人們》，日前舉行新碟音樂會。雖然初戀情人未有出席，但基仔自爆另外兩位前度女友也有偕老公捧場，據知有人正密謀對他的幾位舊愛進行大起底，甚至到其母校打聽，他說：「我收到消息，有人喺網上四圍問邊個係我前度。」
基於保護心態，基仔已第一時間將微博及個人社交網上的好友關注全部刪除，以免她們受到不必要的滋擾，他說：「唔想影響佢哋，佢哋係圈外人，生活得好好。」他亦珍藏了昔日與前度的照片、小禮物，並強調會小心保存，絕不擔心會外洩。
基仔日前開騷憶及舊情時，難免神傷。
基仔網絡斬纜防舊愛被起底
古巨基的新碟《告別我的戀人們》記錄過去幾段戀情，日前舉行的新碟音樂會，兩位前度女友更攜眷去撐場，據知有人正積極起基仔幾位舊愛的底，基仔為免她們受到不必要滋擾，即將微博及個人社交網取消對她們的好友關注。基仔昨日在電話中說：「我收到消息，知有人喺網上周圍問邊個係我前度，甚至去我母校打聽，我取消佢哋嘅關注，出發點係保護佢哋，況且大家咁熟，平時我哋都會電話聯絡。」
音樂會當晚，基仔早就安排兩位舊愛混在觀眾堆中，以免她們受到騷擾，基仔說：「嗰晚仲有啲同學嚟睇騷，我唔想影響到佢哋，佢哋係圈外人，生活得好好，啲同學都好醒目，有幫我(目及)住，完騷後佢哋都有短訊畀我，其中一個仲同幾個同學去咗沙田食消夜，真係重拾那些年，不過嗰晚我因為仲要做訪問同簽名會，所以冇去到。」
舊愛照片妥善收藏
基仔坦言一直有保留住跟前度女友的照片、有紀念性的小禮物，他說：「我好小心，識得好好收起，唔使擔心會漏出。」他可有送碟給前度？他笑說：「等唔切我送，佢哋自己買咗。」基仔形容幾位前度都已經過去了，唱到送給初戀情人的歌曲時爆喊的他笑說：「我係水造嘅人，但喊完就冇嘢。」
古巨基噚日接受商台訪問宣傳新碟，基仔新碟內所收錄啲歌，都係講佢以前嘅戀情，其中一首仲係講佢嘅初戀。基仔話初戀女友同佢自己都係比較內斂嘅人，所以最後因為大家都冇將心底話講出嚟，而為咗啲小事分手，佢哋10年後再見番，都做到朋友，講起初戀女友，基仔話：「佢家結咗婚，仲有兩個小朋友，都有探過佢，感覺真係好神奇。」
古巨基在台上唱出送給初戀女友的歌曲時，忍不住哭成淚人。
基仔憶初戀女友痛哭
古巨基前晚到沙田母校為新碟舉行音樂會，60名基仔昔日母校師生到場力撐，就連其第二和第三任前度女友亦帶埋老公來撐場，基仔在台上大玩那些年，更大談三段戀情，自爆由初戀開始就喜歡送素描給女友。
拍拖坐天光
基仔在台上表示曾與初戀女友在文化中心坐天光，更唱歌給懷中女友聽，十分浪漫；當基仔獻唱送給初戀女友《Shirley》一曲時更感觸得痛哭落淚，足足要兩分鐘才能平復心情繼續唱歌，他說：「估唔到咁早就忍唔住，初戀比較深刻。」至於緋聞女友Lorraine是否知道他會爆昔日戀情時，基仔即說：「作為得力助手，工作上盡量配合我。」
