早幾日啫，媽咪姐搭飛機去杭州玩幾日，喺候機室一眼就見到啱啱憑《逆戰》獲金馬影帝提名、香港金像影帝謝霆鋒呀，佢喺室內戴超又戴帽，真係好難唔知有大明星駕到囉！咁啱得咁蹺，電影公司老闆兼導演羅守耀又等同一班機，仲坐喺影帝嘅不遠處。嗱，霆鋒除咗好戲，仲好眼呀！佢一眼就瞄到羅老闆，隨即企起身遙望，然後行近少少直望。Well，但羅守耀可能太過投入同朋友傾偈，依然感受唔到影帝咁燦爛嘅星光。
唔緊要，霆鋒好大量，決定再「俾多次機會佢」，呢次直情喺羅老闆眼前停足10秒！9，8，7，6……1，sorry！呢句係媽咪姐代羅守耀講嘅。堂堂影帝CEO特登行到面前都睇唔到？真抵打。搞到霆鋒要一個急步轉身返埋位玩手機，㗎嘛！
咪睇霆鋒戴住黑超，佢離遠10呎已經望到電影公司老闆羅守耀，即刻企起身遙望，再行上前。
羅老闆同兩個friend傾得好happy，即使霆鋒行近望實，佢都無望影帝一眼，慘
睇嚟霆鋒真係好想試吓同羅導演合作，不惜企定喺佢面前，等佢發現。
噢，真係無奈，可以走得……返去自己個位度繼續等飛。黑晒面嘅霆鋒，惟有悶爆玩headphone線
親愛的，佢哋唔識貨啫！﹙設計對白﹚
