做娛樂圈呢行，真係秒秒鐘都要打醒十二分精神！好似高Ling高海寧憑住甜樣加逼爆身材，被封為「宅男女神」，啲job長做長有。但今年先有苟姑娘苟芸慧殺出爭位，最近又有「香香公主」岑麗香喺《巴不得媽媽》淋水濕身搶灘，高Ling嘅女神地位即刻危危乎。
難怪早前佢喺旺角行街街，一見到媽咪姐即刻十級戒備，急急整理儀容！當街當巷將頭上嘅師奶髻拆開，放番把女神長髮落嚟，sharp晒！啱嘅，正所謂：「做人咁隨便，邊有人俾面？」想保住女神位，梗要落足心機！
高Ling（右）同女助手行旺角，從背面睇，佢孭住大袋兼紮髻嘅look，真係幾師奶！
Yo，變身！嗱嗱聲出手拆咗個師奶髻先
放番把長髮落嚟，先殺上朗豪坊，街坊終於認出女神，bingo！
高Ling面對苟芸慧、岑麗香左右夾擊，笑住話：「女神無位啦，都俾人霸晒。」唔驚，睇呢張相，就知你有人間胸器，有得鬥！
