花心黃宗澤（Bosco）自從俾胡杏兒飛甩，斬斷八年情之後，形象down晒，多次俾傳媒影到佢落晒形咁款。早前，媽咪姐見Bosco返TVB拍《好心作怪》，佢睇落依然瘦削。失戀前嘅佢，見到媽咪姐都會閒聊吓，講吓近況。但呢日見佢唧都唔笑，仲「矋」住媽咪姐，心情似乎仲未alright喎。
另一邊廂，前女友胡杏兒繼早輪去三亞拍《衝上雲霄2》，呢排又有靚仔張智霖陪住開工，應該好happy吖！不過見佢瘦到鎖骨爆晒出嚟，唔係仲掛住Bosco吓嘛？
Bosco原本瞌住眼瞓入廠，但一見有人影相，就怒目而視。放鬆啲啦。
不過Bosco心情差極都識着番對紅鞋襯摺腳褲喎
杏兒甩拖後就剪晒啲頭髮拍《衝上2》，有個新開始都好！
