最近阿叔大成功。香港有憑《巴不得媽媽》蘇基一角反彈嘅古明華，韓國就有PSY（鳥叔）！呢位34歲嘅阿渣士仲犀利，佢第６張個人大碟《PSY６甲》嘅主打歌《江南Style》簡直令全球陷於瘋狂。
最估唔到嘅係，馬來西亞嘅麥當勞都癲埋一份，竟然喺包裝袋度印咗鳥叔「騎呢馬舞」嘅動作㖭。依家鳥叔已經唔係簡單嘅人氣問題，而係恐怖到釀成全球中毒，幾乎係地球人都知道PSY同《江南Style》，如果你話唔知亦未聽過，會俾人藐㗎﹗
包裝袋有說明話「將薯條和調味料放入袋內，照《江南Style》動作，抓住紙袋上下搖晃。」
台灣綜藝節目《天后麻辣宮》嘅舞蹈環節，藝人張克帆（左）及黎卉淇（右）大跳騎呢馬舞
連世界巨星湯告魯斯喺微博都關注，可知鳥叔有幾勁嘞！
老外勁like
全球中晒Style毒，尤其美國大學生更為瘋狂，個個識跳咁滯！
