香港想睇到有水準的歌唱比賽節目都好難，好似TVB的《超級巨聲》，唱得嘅參賽者小貓三四隻，紅得起只有許廷鏗同林欣彤，搞咗三屆之後，冇晒下文。
極力推介，最近勁多人講嘅係浙江衞視炮製的《中國好聲音》，有星級導師如那英、庾澄慶等指導參賽者，節目標榜絕不以貌取人，只用歌聲打動人，所以雲集大把唱得之人比併。
節目由7月中開播至今，以四川族妹吉克雋逸暫時領先，古銅色皮膚，加上索爆身形，最犀利係把類似黑人巨肺聲嗌爆咪，肯定贏面最大。
四大導師激讚
24歲嘅吉克雋逸，天生皮膚古銅色。第一次上台，已用巨肺聲唱出勁騷歌〈I Feel Good〉，着住短裙嘅吉克仲跳埋舞，搞㷫全場。
中國唱作歌神楊坤
你讓人知道什麼叫驚艷！
那英:你在台上的狂放態度，有我當年的影子
庾澄慶:上帝！我聽到靈魂出竅啦！
中國古典歌王劉歡
我保證你的前途非常光明！
有浙江衞視皇牌節目之稱的《中國好聲音》，已於7月中在中國大陸開播，至今已播出10集，最高收視高達14.25%，到現時為止一直高踞全國最高收視綜藝節目No.1。
吉克剛開始唱歌冇耐，背住佢嘅那英已舉晒手跳舞，high到爆，之後佢即刻轉身睇吉克究竟係咩樣。
屬四川族人嘅吉克，表示其母亦係唱得之人，一樣鍾意唱英文歌，但因一直要照顧吉克長大成人，放棄做歌星，𠵱家就由吉克嚟完成阿媽嘅夢想。
以聲取人
《中國好聲音》比賽形式，係由4位星級導師那英、庾澄慶、劉歡及楊坤分4組，分別教授參賽者唱歌絕技然後比併靚聲。節目最大賣點係，不分年齡及職業，唔理樣貌好醜，只要有把靚聲，便可以上台比試，而參賽者第一次上台唱歌時，4個導師會背着參賽者，先齋聽歌聲，如覺得參賽者把聲打動到他們，才轉身正面看着參賽者演唱。正因為好多參賽者其貌不揚，但擁有天籟之聲，所以令到班導師甚至觀眾都勁驚喜。
黑妹跑出
話就話以聲取人，不過如果有聲有樣梗係最着數。《中國好聲音》由7月開播至今，以第5集出場、皮膚黑到似黑人的四川族妹吉克雋逸最快跑出，唔好以為族姑娘一定唱山歌，當晚吉克就以黑人巨肺腔口唱出James Brown名曲〈I Feel Good〉，由於吉克一路跳一路嗌爆咪，搞到全場high晒。一鳴驚人的吉克，現已晉身16強，𠵱家雖然比賽未完，但據知已有唔少廣告商搵定佢唱廣告歌，就算咁唔好彩被叮出局，一樣有大把路數。
陳奐仁彈：參賽者冇特色
《中國好聲音》雖然大把人讚好，但金牌唱作人陳奐仁就唔多buy：「作為唱pop songs嘅參賽者，佢哋水準係好高，但佢哋未有全面發揮各式各樣歌唱技巧，唱別人嘅歌時仲有別人嘅影子，所以參賽者冇個人特色。」
多粉絲
身形均勻，又夠惹火嘅吉克，經常將自己嘅索女相掟上微博任人睇，佢個微博由上年8月開博至今，已超過35萬名粉絲。
落選光頭男都紅
講明唔以貌取人，《中國好聲音》中，亦捧紅唔少賣聲唔賣樣嘅參賽者，好似第一集已出場嘅李代沫，頹頭又發福，但憑R&B腔唱曲婉婷的〈我的歌聲裏〉，感動全場。李代沫未能晉身16強，不過一樣有大陸電影《二次曝光》搵佢唱主題曲，只要聲靚一樣有市場。
[img]http://hk.face.nextmedia.com/images/next-photos/face/279/640pixfolder/W1079_088_W020120718365624586416.jpg[/img
不過參賽期間，李代沫因同男性朋友嘅床照流出，被指係基男，繼而傳出《中國好聲音》因基聞而踢佢出局
出身黑龍江嘅李代沫光頭兼肥肥哋，但唱歌把聲鬼咁深情又有feel，冧死唔少觀眾。
李代沬發育時期，曾經係超過200磅嘅大肥仔，而且勁老土。
