由馮德倫做導演、投資咗2.2億人民幣嘅《太極》，將會分兩部曲上映。有內地電影一哥華誼兄弟泵水，成套戲粒粒皆星，有梁家輝、舒淇、吳彥祖、Angelababy同彭于晏等等，而且馮德倫講明唔拍傳統武打片，最緊要型同潮，加上戲中會有大量爆破同特技場面，肯定唔似李連杰套《太極張三豐》咁喎！
做慣靚女角色嘅Baby，今次演粗魯打女，唔只冇靚衫着，連行為舉止都要夠man。拍足6個月，Baby話日日拍到喊：「我第一次演武術高手，用了兩個月訓練太極、武術套路、拉筋，最強可以把腿踢到170度，每天都流眼淚！不過我特別喜歡吊威也，好像在夢裏面飛的感覺。」
由高貴名模變爛撻撻打女都制，唔怪得Baby嘅片約多到接唔晒！
Hurt親Baby
戲中Baby由細到大一直暗戀表哥彭于晏，可惜對方唔領情之餘，仲帶埋性感鬼妹回鄉激Baby！
客串嘅舒淇飾演主角「怪咖」嘅媽媽，一出場就要死，呢一幕仲喺電影主題曲〈站起來〉MV出現。但男友馮德倫好識做，將舒淇個「死樣」拍得零舍靚！
客串「癲僧」一角的吳彥祖，據知喺二部曲先會出場。
Angelababy飾演以性命保衞家園嘅村婦。呢套戲早排就喺意大利威尼斯舉行全球首映。FBI覺得佢呢個村婦造型靚得滯囉
戲中有大量爆破場面，馮導話估唔到Baby肯親身上陣，夠晒pro.！
