貪玩的高Ling，見到屙屎雕塑忍不住拍照，還要扮惡臭撲鼻，交足戲！
《星遊記》高海寧（高Ling）要保持女神之位，平日一定要好努力喼弗，但難得有機會出外旅行，當然要食盡啲。早前高Ling跟朋友到韓國玩，眼見當地美食價錢太便宜又好味，令她忍不住口，就連糞便形狀的豆沙包都吃得津津有味。
高海寧經常出埠拍旅遊節目，但不及自助遊那麼爽。早前高Ling跟幾位朋友去韓國首爾旅行，全程由好友安排行程，讓她可以忘憂輕鬆玩樂，她說：「原本只係一對情侶去，我同另一位化妝師朋友臨時join，對方一早book好晒要玩嘅地方，唔使我煩。」
高Ling到訪一間專教人整韓式泡菜和年糕的學校，更即場學藝，她說：「佢哋一定要用韓式蝦醬，份量亦好講究；不過所有材料預備好晒，我哋只要將醬料攪勻，然後一層層包到成個波咁，整完仲可以帶返屋企。」高Ling又試穿韓國傳統服裝，連導遊都以為她是韓國人，她笑說：「有啲香港人認得我，叫我影相，佢哋個導遊都唔知發生乜事。」她透露半日的使費只需約300港元，十分抵玩。
韓國魚市場面積約有維園那麼大，可以購買海鮮，然後再到附近的食店即煮即食，高Ling手拿的皇帝蟹約售200港元。
特長雪糕在港少見，高Ling稱要二人合力才能吃光。
食豆沙包不是多啦A夢的專利，高Ling見到這屎狀豆沙包亦愛不釋手。
高Ling即場試學做泡菜，製成品似模似樣。
高Ling和化妝師友人在景福宮外拉手拍照，宮內有韓國國立博物館，以及韓國民俗博物館，連電視劇《女人天下》及《明成皇后》都在這裏取景。
穿上韓服的高Ling與好友搞鬼留影，連導遊都誤以為她是韓國人。
喪食增磅首爾物價較低，尤其食物方面，好味之餘價錢又相宜，難怪高Ling增磅不少，她說：「唔知肥咗幾多呀，但五日四夜不停咁食，最誇張係年糕，一盤四個人都食唔晒，再加腸仔、肉、公仔麵、菜等每樣餸都係7蚊，埋單約120港元，真係好平。」她還到Hello Kitty主題餐廳及試盡炸薯片、巨型雪糕等街頭小食，但她卻對「屎」情有獨鍾，高Ling笑說：「有個豆沙餅做到屎咁嘅形狀，之後仲去咗一間3D立體美術館，其中一個雕塑係屙屎造型，忍唔住過去影相，好得意！」
