【今日我至冧】JJ噚日30歲牛一，男友樊少皇唔喺身邊陪佢，但踏正凌晨12點就喺微博擺咗張揸住玫瑰花嘅相，仲寫住「Happy Birthday」，咁識冧女唔怪得到JJ死心塌地啦。
39歲的樊少皇隱瞞自己有家室，令新歡賈曉晨（JJ）哭成淚人。不過樊少皇女有一手，很快便令JJ態度軟化，昨日踏正凌晨12時又再度出冧招，在微博送上大束玫瑰花給女友做生日禮物，難怪JJ昨日出席活動時一臉甜絲絲，願望只求與男友相見。
樊少皇和賈曉晨上月傳出戀情，男方隨即被踢爆育有一子一女，並在杭州有親密女友，令JJ頓變小四。雖然外間不睇好這段情，但樊少皇一直好努力維繫，早前接受電視台訪問時高調示愛，揚言對JJ的愛是堅定的。
樊少皇踏正凌晨零時，在微博獻身拿玫瑰花冧女友。微博圖片
微博傳情晒幸福雖然好肉麻，但JJ全部照單全收，昨日是JJ的30歲生日，樊少皇繼續送上驚喜，踏正凌晨零時在微博放上一張手持玫瑰鮮花的相片，並寫着：「Happy Birthday！（生日快樂）」JJ即回覆：「收了。」力證二人感情未變，依然甜蜜。
JJ昨日在長沙灣擔任高爾夫球活動嘉賓，提起男友越洋送花即一臉冧爆笑不停，她說：「兩個人感情唔可以用錢去衡量，最可惜係佢要喺青島工作，邊個女仔拍拖唔想男友陪過生日，但應承咗人唔可以推，我都好明白。」JJ坦言各有各忙，與男友甚少見面，兩人幾乎恍如網戀，問到會否擔心男友出軌？她即自爆多人追：「我諗佢擔心多啲，有好多男仔追我㗎，每一個人未結婚都仲有希望，唔會抗拒任何人追求幸福嘅權利。」
JJ冧爆表示收到男友送的祝福。
人肉速遞解相思JJ透露男友樊少皇要拍劇至11月才有空，有時間她會到內地探班，問男友可會為她補祝生日？她撒嬌說：「佢話有時間就會陪我，我都唔知佢幾時有時間㗎，我都好想知。」問JJ想收甚麼生日禮物時，她甜絲絲說：「呢一刻可以見到佢已經好開心，物質嘅嘢，我可以滿足到自己，大家啱啱拍拖都想見多幾次，不過暫時想見都幾難。」
