徐子淇透露大女病癒後黐身，晚晚要與父母同床一齊瞓。
徐子淇之前三個子女感染諾沃克病毒，大病一場，她昨日透露仔女已康復返學，但大女病完就嗲人，晚晚夾在她和老公李家誠中間瞓，做電燈膽。子淇又做義工教基層小朋友英文，自爆讀書時逃學被捉到的趣事。
徐子淇和陳豪昨日在尖沙嘴出席護膚品慈善活動，穿上一條紅藍短裙的她，精神奕奕。日前她透露三個子女感染諾沃克病毒，她謂已全部康復及正常上學，但大女病完就變得嬌嗲黐人，子淇說：「佢病嗰時去咗我哋房瞓，好番都唔肯返去自己房，有次仲坐喺我哋睡房門口等，好似乞兒仔咁。近期晚晚一齊瞓，個女就夾喺我同老公中間，佢又好反瞓，成日360度轉，真係要諗計叫佢返自己房。」
教書反應好早前子淇以夏橋基金贊助人身份做義工，去了教基層小朋友英語，昨日現場展出她首次教英文的相。她謂第一次做老師，帶了英式鬆餅、果醬和小朋友一起吃：「我都教咗兩日，少少慚愧，細個冇珍惜上堂，因為好好彩係讀國際學校，覺得自己英文都OK，上英文堂又好悶，試過走堂去超市買嘢食，但撞到老師被發現。」
子淇又指很久沒接觸過十多歲的青少年，她說：「初時以為佢哋只顧住上facebook、打機，原來佢哋都好鍾意學英文，佢哋好好，我第一次教書，佢哋好好反應。」有指其父徐傳順豪花四千萬在佛山起廟，她說：「我知道佢起咗廟，但唔知用咗幾多錢，遲啲會去睇吓。」
陳豪到場後，即大受女fans歡迎。
陳豪昨日即席學着兒時照片伸脷，非常趣怪。
陳豪讚後生陳豪則大讚子淇生了三個依然後生，大呼amazing！至於何時輪到他結婚生仔，陳豪即說：「大家催都冇用，我努力緊，為美滿生活而努力。」有否跟女友傾過？他說：「多謝大家祝福，我會努力，等緊呢個moment。」
