《今日我至橋》
世界真細小，周國賢同陸永嫂Rainah買傢俬都撞到，順便分享吓湊女經，不過陸永喺周國賢走後先嚟到。
《銅鑼灣》
周國賢同韓籍太太李美英前日下晝4點去咗銅鑼灣日本Francfranc專門店，行咗成半個鐘都係集中睇書枱同書架，不過最後都係空手而回。
周國賢抱住陸永囡囡，同老婆李美英一齊逗佢玩。
周國賢同李美英揀家具時有商有量。
陸永同Rainah離開時，佢哋嘅朋友（右一）幫手推BB車。
陸永見女即錫周國賢夫婦跟住過咗對面間宜家傢俬繼續行，見佢哋左度右度都係睇同一樣嘢，最後佢哋搵到心頭好，影晒相準備去貨架攞貨畀錢，咁啱就撞到陸永老婆Rainah帶住BB女同兩個女性朋友，身為三女之父嘅周國賢同老婆逗BB女玩咗5分鐘至走。
周國賢兩公婆走咗大概15分鐘，先見到陸永出現，陸永一見到老婆同囡囡就好開心，仲抱起囡囡又錫又攬，似乎已經忘記咗之前老婆同舊愛曲赤嘅慾照事件。之後陸永一行人去咗睇假花擺設同花樽，揀咗10分鐘左右就買到嘢再行去收銀處，同時陸永發現有記者，跟住佢就好有禮貌咁打招呼，畀完錢佢哋就出門口截的士走。
