我首先要講明，我係未拍過拖的，
但班門弄斧想講下我對愛情規則的睇法。
從題目所見，我顯然經覺得愛情好煩。
我肯定依家讀緊呢篇野既人當中，有人正暗暗取笑我的「煩惱」不知所謂，
但請睇埋我諗咩先。
我對愛情既見解，多數黎自電影(最夢幻)，TVB(最荒謬)，朋友(最慘情)，
而呢d媒介都不約而同傳遽左現代人對愛情既睇法，當中有好多都令我費解。
最佳例子：
朋友：如果有男仔主動approach你，你唔好咁快覆佢，等佢以為你好易食
@@：但我同佢幾好傾架喎
朋友：人地咪以為你收兵囉
@@：咁我要點算先
朋友：唔好理佢住囉
其實人人口中都話每件事有兩面睇，
但偏偏愛情又好似唔係咁。
人地話你係收兵就收兵，話你姣就係姣。
世界上究竟有冇一個地方係唔會咁小心眼，咁主觀地judge人架呢。
睇下創世記，亞當同夏娃既愛情又有冇咁多價值阻擋？
即使有動物，上帝同魔鬼，但人類都係跟自己心裡面既法則去愛，
所以亞當就聽左愛人夏娃的說話(當然係夏娃比魔鬼引誘食禁果啦)。
我觀察到身邊朋友的愛情裡面，總夾雜著好多別人的想法、期望，
e.g.你的男友成日打機唔岩呀等等，
我地又有冇放手比身邊的人去愛呢？
我地評論人地愛情問題既時候，又係用緊咩準則呢？
我地成日講獨立思考，愛情裡面又用唔用得著呢？ , GetJetso.com -股票討論..
請按『讚好』，接收更多相關主題。
如果您喜歡這篇文章，請按「讚」或分享給您的朋友，以示鼓勵。
